Ўзбекистон Республикаси Вазирлар Маҳкамасининг 2017 йил 30 июнда қабул қилинган 449-сон қарорига мувофиқ, «Биржадан ташқари валюта бозорида хорижий валютани харид қилиш ва сотиш операцияларини ўтказиш тартиби тўғрисида»ги Низомга ўзгартиришлар киритилди. 

«Kommersant.uz» хабар беришича, бундан буён биржадан ташқари валюта бозоридаги операциялар ваколатли банклар томонидан тўғридан-тўғри шартномалар асосида бозор курси бўйича амалга оширилади. 

Ҳозирча «Kун.uz» бу маълумотни тасдиқлашини сўраб тегишли муассасаларга қилган мурожаатлари жавобсиз қолмоқда.

Маълумот учун, шу пайтга қадар Низомнинг 43- бандида «Биржадан ташқари валюта бозоридаги операциялар сўнгги банклараро савдо сессиясида хорижий валютага бўлган талаб ва таклиф асосида шаклланадиган эркин курс бўйича амалга оширилади» деб белгиланган эди.