Londonda islomofobiyaga asoslangan jinoyatlarga qarshi norozilik aksiyasi bo‘lib o‘tdi. "Anadolu" agentligi shu haqida xabar berdi.
Aktsiya ishtirokchilari irqchilikka qarshi chiqib, ultrao‘ng kuchlar xatti-harakatlaridan jabrlanganlarni, shu jumladan iyun oyida London ko‘chalarida kislota sachratilgan 37 yoshli Jamil Muxtor va 21 yoshli Resham Xonni qo‘llab-quvvatlashdi.
Aktsiya tashkilotchilaridan biri Rob Fergyusonning aytishicha, Muxtor va Xonga qilingan hujum islomofobiyaga asoslangan.
Uning so‘zlariga ko‘ra, politsiya bunday turdagi jinoyatlarni o‘rganishga u qadar xafsala bilan yondashmaydi, bu esa noto‘g‘ri.
21 iyun kuni Buyuk Britaniya fuqarosi Jon Tomlin Jamil Muxtor va Resham Xonlarga qarata kislota sachratgan. Ular jiddiy jarohat olib, shifoxonaga yotqizilgan.