Британиялик қўшиқчи Стинг Швециянинг Polar Music Prize мусиқий мукофотидан олинган 1 млн. крона миқдоридаги пул маблағларини Швецияда ёш қочқинларга ёрдам кўрсатувчи нотижорат лойиҳасига хайрия қилди.

«Мен учун Polar мукофотини олиш – катта фахр, ҳамда мен мукофот пулларини Songlines Швеция ёшлари ташаббусига хайрия қилмоқчиман. Мусиқа кўприкларни қуриши мумкин, ва бу лойиҳа ёш қочқинлар янги жамият билан яқинлашишида мусиқа нақадар катта ўрин тутишига эътибор қаратади», - дейилади лойиҳа веб-сайтида эълон қилинган баёнотда.

Шу тариқа, мукофот пуллари ёш қочқинлар учун мусиқа лагерлари, концертлар ва мусиқа асбобларини харид қилишга йўналтирилади.