Prokuror Nemtsovning qotilini umrbod ozodlikdan mahrum etishni talab qilmoqda

Prokuror sud maslahatchilari siyosatchi Boris Nemtsovning o‘ldirilishida aybdor, deb topgan Zaur Dadayev uchun umrbod ozodlikdan mahrum etish jazosini so‘ramoqda. Bu haqda RIA Novosti xabar bermoqda.

«Dadayevga qattiq rejimdagi koloniyada umrbod ozodlikdan mahrum etish jazosi hamda 200 ming rubllik jarima tayinlashni so‘rayman», - deya ma'lum qildi prokuror Mariya Semenenko. 

29 iyun kuni sud maslahatchilari kollegiyasi siyosatchi Boris Nemtsovning o‘ldirilishi ishi bo‘yicha besh nafar ayblanuvchining barchasiga nisbatan ayblov hukmini chiqardi.

Eslatib o‘tamiz, Boris Nemtsov 2015 yilning 28 fevral kuniga o‘tar kechasi Moskva shahri markazida o‘ldirildi. Zaur Dadayev, Anzor va Shodid Gubashevlar, Tamerlan Eskerxonov hamda Hamzat Baxoyev ushbu qotillik sabab hibsga olindi.