O‘zbekiston kuch tuzilmalari Toshkentning «Abu Sahiy», «Bek Baraka» va «Karvon» bozorlarida 3 iyul hamda «O‘rikzor savdo kompleksi»da 5 iyul kuni antiterror mashqlarini o‘tkazdi. Bu haqda 1news.uz xabar tarqatdi.
Mashqlarda Ichki ishlar vazirligi va Milliy xavfsizlik xizmati xodimlari ishtirok etgan. Shuningdek, qidiruv itlariga ega xodimlar ham qatnashgan.
Ma'lumotlarga ko‘ra, mashqlar o‘tkinchilar va omborchilarda tashvish keltirib chiqargan, ular oldindan ogohlantirilmagan.
Avvalroq «Buxoro-1» temir yo‘l vokzalida antiterror mashqlari bo‘lib o‘tgani haqida xabar berilgandi.
