«Абу-Сахий» бозорида телефон ўмариш билан шуғулланган аёллар ушланди

Жамият 13 Июль 2017 18207

Тошкентнинг «Абу-Сахий» бозорида телефон ўғрилиги ва пулларни ўмариш билан шуғулланган икки аёл ушланди. Тошкент ИИББ матбуот брифингида маълум қилинишича, 2017 йилнинг 8 июль куни Каттабекова Ҳаёт ва Арипова Севаралар Чилонзор туманидаги «Абу-Сахий» бозорида савдо қилаётган Туроповага тегишли 1 млн 2 юз минг сўмлик «Samsung Galaxy J2», Бобоевага тегишли 1 млн 3 юз минг сўмлик «Samsung Galaxy Duos» телефонини ва Яминовга тегишли 1 млн 4 минг сўм нақд пулларни талон-тарож қилишиб, воқеа жойидан яширинишган. Икки ўғри дугона пул ва телефонлар савдо расталарида қаровсиз қолдирилганлигидан фойдаланиб, хуфёна ўғрилик қилишган. 

Шаҳар ИИББ ходимлари томонидан ўтказилган тергов-тезкор ҳаракатлар натижасида Каттабекова Ҳаёт ва Арипова Севаралар қўлга олиниб, улардан телефон аппаратлари ва нақд пуллар далилий ашёлар сифатида олинган.

Мазкур ҳолат юзасидан Чилонзор тумани Ички Ишлар Бошқармаси ҳузуридаги Тергов бўлими томонидан Жиноят кодексининг 169-моддаси 3-қисми (яъни, ўғирлик) аломатлари билан жиноят иши қўзғатилган.

Ҳозирда жиноят иши юзасидан дастлабки тергов ҳаракатлари олиб борилиб, айбланувчиларнинг бошқа жиноятларга алоқадорликлари текширилмоқда. Шу муносабат билан, бу каби воқеалардан жабрланганлар бўлса, ички ишлар идораларига мурожаат қилишлари ёки 102 телефон рақамига қўнғироқ қилишлари мумкин. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14939 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56042 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 680 Жаҳон
Reuters: АҚШ Мисрга ҳарбий ёрдам бермайдиган бўлди
00:34 670 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 2477 Жамият
Германияда Трамп боши шаклидаги гиёҳванд моддали таблеткалар аниқланди
00:21 671 Жаҳон
Сербия Ҳиндистон ва Эрон фуқаролари учун визани бекор қилди
00:18 661 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 898 Жаҳон
Кўпроқ янгиликлар