Сурхондарёда вилоят ҳокими Узун ва Сариосиё туманлари халқи билан учрашди

Ўзбекистон 15 Июль 2017 11137

Бугун Сурхондарё вилоят ҳокими ва вилоят давлат ташкилотлари раҳбарлари Узун ва Сариосиё тумани халқи билан учрашишди.

Тушдан кейин Сариосиё туманидаги 66-ихтисослашган мактаб-интернатида бўлиб ўтган учрашувни очар экан, Сурхондарё вилоят ҳокими Эркинжон Турдимов ўзи билан вилоятдаги барча мутасадди раҳбарлар ҳам келганига алоҳида таъкидлаб ўтди.

«Бугун шу ерга тўпланган ҳар бир сариосиёликнинг муаммо ва таклифларини кечгача бўлса ҳам ўрганмасдан кетмаймиз, ҳар бирингизнинг мурожаатингизни эшитиб, ўрганиб чиқамиз. Ҳар бир мурожаат қайд қилиниб, ёзиб олинади, ижроси ва назорати ҳал бўлганга қадар кузатилиб борилади», — деб таъкидлади Э.Турдимов.

Қайд этиб ўтиш жоизки, «2017 йил — Халқ билан мулоқот ва инсон манфаатлари йили» доирасида ўтказилаётган ушбу учрашув вилоят раҳбари бошчилигида барча туманларда бўлиб ўтмоқда. Хусусан, бундай учрашувларнинг ўтказилиш санаси, жойи ва вақти аввалдан вилоят телерадиокомпаниясининг «Сурхондарё» телерадиоканали орқали эълон қилиб борилмоқда.

«Узун туманида бўлиб ўтган учрашув мобайнида энг кўп мурожаат турар жой учун ер  ажратиш мавзусида бўлиб ўтди. Энди бу масалада туман хотин-қизлар қўмитасига ариза билан мурожаат қилишларингизни сўрайман. Туман хотин-қизлар қўмитаси маҳалладаги маслаҳатчи аёллар билан биргаликда ер участкаларга чиндан ҳам муҳтож оилаларни аниқлаб беради ва рўйхат тузади. Чунки аёл киши кўнгилчан бўлади ва улар бу масалада алдашмайди. Мен бу масалани уларга ишонаман», — деди Э.Турдимов.

«Суғориладиган ерлардан участка ажратилмаслигини таъкидлайман. Суғориладиган ерлар фақат деҳқончилик учун. Сув чиқмайдиган, лекин яроқли ерларда турар жой массивлари барпо этамиз ва ундай жойларга давлат йўл, ичимлик суви ва электр токи ўтказиб беради. Газ таъминоти эса баллонлар воситасида бўлади. Массивнинг ўртасида келажакда мактаб барпо этиш учун ҳудуд қолдирилади. 

Уй-жойлар чин етимларга ва ўта ночор оилаларга шундай, ҳеч қандай тўловларсиз берилади. Кам таъминланган оилаларга эса ёпиқ аукцион орқали, бирламчи, арзонлаштирилган нархда ажратилади. Қолганлар оддий аукцион орқали харид қилади. Туман архитектори ер тузувчилар билан бориб, қозиқ қоқиб харидорларга бўлиб беришади», — деб масалани тушунтирди вилоят ҳокими.

Шундан сўнг халқ билан мулоқот учун келган вилоятдаги раҳбарлар бирма-бир таништириб чиқилди ва улар ўзларига тегишли соҳалар бўйича, хусусан, вилоят ҳокими Э.Турдимовнинг ўзи ҳам фуқароларнинг муаммо ва таклифлари билан шахсан танишиб чиқиш учун бирма-бир қабулни бошлашди.

Шуҳрат Шокиржонов,
Кун.уз мухбири

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14413 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68199 Жамият
Кун.uz офис изламоқда
15:48 / 06.08.2017 37096 Lifestyle
"Реал" Испания Суперкубоги соҳиби!
04:08 614 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1015 Жаҳон
Саакашвили Украинага қачон қайтишини маълум қилди 
01:15 1590 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1608 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар