АҚШ вице-президенти Майк Пенс мамлакат президенти Дональд Трамп Қўшма Штатларнинг Исроилдаги элчихонасини Тель-Авивдан Ал-Қудсга кўчириш ниятида эканини тасдиқлади. Бу ҳақда CNN хабар бермоқда.

«Сизга ваъда бераманки, президент Дональд Трамп Америка элчихонасини Тель-Авивдан Ал-Қудсга кўчирадиган кун албатта келади. Масала фақат вақтга боғлиқ», - дея маълум қилди Пенс Christians United for Israel саммитида чиқиш қилиб.

Шунингдек, Пенснинг таъкидлашича, АҚШ «Исроилни ҳар доим қўллаб-қувватлайди».