Bugun, 20 iyul kuni Komiljon Otaniyozovning 100 yilligi munosabati bilan san'atkor nomi bilan atalgan Ijod markazining ochilish marosimi bo‘lib o‘tdi. Bu haqda Kun.uz manbasi xabar bermoqda.
Unda buyuk san'atkorning haykali namoyishi ham o‘tkazildi.
Mazkur marosimda Respublika vazirliklar va idoralar rahbarlari, Xorazm viloyati hokimligi, shuningdek, vohamizdagi bir qator mutasaddi tashkilot rahbarlari ishtirok etishdi.
Yuraklarni larzaga soluvchi lazgiga raqs tushgan san'atkorimiz O‘zbekiston Xalq artisti Ortiq Otajonov, shoir Oshiq Erkin va O‘zbekiston Xalq artisti Yodgor Sa'diyevlar barchaning olqishiga sazovor bo‘lishdi.
