АҚШ ўз фуқароларига Шимолий Кореяга боришни тақиқлаб қўймоқчи. Бу ҳақда BBC туристик операторлар маълумотларига асосан хабар бермоқда.

Таъкидланишича, тақиқ ҳақида 27 июль куни расман эълон қилишади, у 30 кун ичида кучга киради.

Америкалик вафот этган талаба Отто Уормбир КХДРга боришда хизматидан фойдаланган Хитойнинг Young Pioneer Tours туроператори ходимининг хабар беришича, маълумот Швециянинг Пхеньяндаги элчихонаси томонидан тақдим этилган. Айнан ушбу давлат Шимолий Кореяда Қўшма Штатларнинг ишини юритади. 

Айни дамда Шимолий Корея ҳудудида қанча америкалик бор экани аниқлаштирилмоқда.