2017 йилнинг 20 июль куни тахминан соат 15:00ларда ички ишлар идоралари ходимлари томонидан ўтказилган “Қорадори-2017” тадбири давомида Юнусобод тумани ҳудудида, фуқаро Султон Усмонбеков уйида қонунга хилоф равишда, 29 туп умумий вазни 7 килограмм 535 грамм бўлган «наша» гиёҳвандлик воситасини экиб, етиштираётганлиги, шунингдек 68,10 грамм “марихуана” гиёҳвандлик воситасини қонунга хилоф равишда сақлаб келаётганлиги аниқланган. Бу ҳақда Тошкент ИИББ хабар берди.

Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 270-моддаси 1-қисми (таъқиқланган экинларни қонунга хилоф равишда экиш ва етиштириш) ва ЖКнинг 276-моддаси 1-қисми (гиёҳвандлик воситаларини ўтказиш мақсадини кўзламай, қонунга хилоф равишда сақлаш) аломатлари билан жиноят иш қўзғатилган. 

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.