Атамбаев: Қамоқда ўтириши керак бўлганлар президент бўлмоқчи

Жаҳон 24 Июль 2017 30592

Қирғизистон президенти Алмазбек Атамбаев мамлакат келажагидан ташвиш билдирди. У ҳозирда бир қадар асабийлашаётгани, одамлар яна алданиб қолиши мумкинлигидан хавотирда экани, қирғиз халқининг кечиримли ва унутувчанлиги яна панд бериши мумкинлиги ҳақида гапирган.

«Ҳозирда қамоқда ўтириши керак бўлган кишилар ўзини пиар қилиб, президент бўлмоқчи. Бу ҳам ўтар. Ўзинг учун аниқлаб олишинг керак, чунки, шундай сабаблар борки, баъзи сиёсатчиларни кечириб бўлмайди. Мамлакат ва халқ тақдирини бир кунлик шуҳрат ва шов-шувга алмаштириб бўлмайди», деган Атамбаев.

У мамлакат тоза қўлларда бўлишини ва ривожланишда давом этишини исташи ҳақида гапирган.

«Сайлов натижалари қандай бўлишидан қатъи назар уни тан олиш керак. Асосийси, биз овозлар тўғри ҳисоблашини таъминлашимиз керак. Яна бир иш бор, кимдир овозларни сотиб олишга ҳаракат қилиши мумкин, унда нима қиламиз... Биз одамларни охиригача уйғота олмаймиз, жавобгарлик уларнинг ўзида. Мен ҳокимиятни тинч топширишни кафолатлайман. Энди мамлакат бошқача, тизим бошқача. Агар кимдир вазиятни издан чиқармоқчи бўлса, кафолат бераманки, унинг жойи кўрсатиб қўйилади», — дея сўзларини якунлаган президент.

Қирғизистон президентилигига сайлов жараёни жорий йилнинг 15 октябрида бўлиб ўтади. Амалдаги президент Алмазбек Атамбаев сайловда иштирок этмайди, чунки мамлакат қонунчилиги олти йиллик муддатга бир мартадан ортиқ сайланишга рухсат бермайди.

Комиссия маълумотларига кўра, айни вақтга қадар 30 киши ўз номзодини олға сурган. «Улардан беш нафар сиёсий партияларнинг қурултойида олға сурилган бўлса, қолганлари ўз номзодини ўзлари олға сурган», — дейилади Марказий сайлов комиссиясида. Номзодлар орасида амалдаги бош вазир Сооронбай Жээнбеков, ҳукуматнинг собиқ раҳбарлари Темир Сариев ва Омурбек Бабанов, шунингдек, мухолифат парламент фракцияси етакчиси Бакит Торобаевнинг исмларини кўриш мумкин.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 19271 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48787 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 22457 Ўзбекистон
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1153 Жаҳон
Кўпроқ янгиликлар