Ўзбекистон йиллик импорти қиймати қанча?

Иқтисодиёт 26 Июль 2017 18796

Ўзбекистон 2015 йилда хорижий мамлакатларга 5,85 млрд долларлик маҳсулот экспорт қилган. Хориждан ўз эҳтиёжлари учун 10 млдр долларлик маҳсулотларни импорт қилган. Мамлакатнинг 2015 йилдаги ЯИМ (ялпи ички маҳсулоти) 66,7 млрд долларни ташкил этган. Аҳоли жон бошига ЯИМ 6,09 минг долларни ташкил этади. Бу ҳақда atlas.media.mit.edu сайти маълумотларида сўз боради.

Ўзбекистон хорижга асосан олтин (1,88 млрд доллар), табиий газ (577 млн доллар), пахта толаси (484 млн доллар), кимё саноати маҳсулотлари (432 млн доллар), мис (341 млн доллар) етказиб берган.

Ўзбекистон 2015 йилда 5,85 млрд долларлик маҳсулот экспорт қилиш билан дунёнинг юзинчи энг йирик экспорт қилувчи мамлакати ҳисобланган. Бироқ, таъкидланишича, Ўзбекистон экспорти 2010 йилдан 2015 йилгача бўлган 5 йил мобайнида -0,8 фоизга пасайиб, 6,1 млрд доллардан 5,85 млрд долларга тушиб кетган. Ўзбекистон экспортида олтин улуши 32,1 фоизни, табиий газ 9,9 фоизни ташкил этади. 

Шу билан бирга, Ўзбекистон 110 турдаги маҳсулотни экспорт қилиш билан жаҳон экспорт бозоридаги улуши юқори эканини кўрсатади. Ваҳоланки, бир қарашда мамлакат иқтисодиёти бунга имкон бермайдигандек таассурот уйғотади, дейилади таҳлилий ахборотномада. 

Ўзбекистон маҳсулотларини асосан Швейцария (1,88 млрд доллар), Хитой (1,21 млрд доллар), Туркия (703 млн доллар), Қозоғистон (690 млн доллар) ва Россия (570 млн доллар) каби давлатларга етказиб берган.

Ўзбекистон импортида қадоқланган дори-дармонлар (570 млн доллар), автомобиль эҳтиёт қисмлари (551 млн доллар), нефть маҳсулотлари (493 млн доллар), металл прокатлар (248 млн доллар) ва ёғоч маҳсулотлари (212млн доллар) етакчи ўрин тутади. 

Ўзбекистон 2015 йилда 10 млрд долларлик маҳсулотларни импорт қилиш орқали дунёнинг 97-энг йирик импорт қилувчи давлати бўлган. унинг 2010-15 йиллар оралиғидаги 5 йиллик давомидаги импорти йиллик 4,1 фоизга ошиб, 8,1 млрд доллардан 10 млрд долларга етган. Импортда дори-дармонлар (5,69 фоиз) ва нефть маҳсулотлари (5,49 фоиз) етакчи ўринларда. 

Бу борада Ўзбекистон асосан Хитой, Россия, Жанубий Корея, Қозоғистон ва Туркиядан маҳсулотлар келтиради. 

Эслатиб ўтамиз, 26 июль куни ХПКда бўлиб ўтган сессияда валюта бозорини либераллаштириш борасидаги саволга жавоб берган Молия вазири ўринбосари Мубин Мирзаев Ўзбекистон конвертацияни очиш учун етарли захирага эга экани, унинг миқдори икки йиллик импорт қийматига тенг эканини айтган эди. 

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 56480 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 5639 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 113503 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 11072 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21243 Ўзбекистон
Абдулазиз Комилов бошчилигидаги делегация Ҳиндистонга боради
Чипта баҳона 9 миллион сўмни «ухлатган» фирибгар қўлга олинди
12:00 878 Жамият
Фото: Америка нашрлари Трампни ку-клукс-клан тарафдори сифатида тасвирлади
11:50 905 Жаҳон
Фото: Улуғнорнинг антиқа «Қўзивой» тарвузи
11:40 2857 Жамият
Фоторепортаж: Фарғона вилоятида ноқонуний чиқиндихоналарга барҳам берилмоқда
11:30 1020 Жамият
Кўпроқ янгиликлар