«Batkivshina» partiyasi yetakchisi Yuliya Timoshenko Gruziya sobiq prezidenti, Odessa viloyati sobiq gubernatori Mixail Saakashvilini Ukraina fuqaroligidan mahrum qilish haqidagi qarorga qarshi chiqdi. Bu haqda siyosiy tashkilot saytida xabar berilgan.
«Saakashvilini Ukraina fuqaroligidan mahrum qilish – bu yomon siyosat bo‘lib, uni prezident Pyotr Poroshenko boshchiligidagi amaldagi hokimiyat o‘z raqiblariga nisbatan amalga oshirmoqda», - deya ta'kidlab o‘tdi u.
Timoshenkoning fikricha, Ukraina prezidenti Pyotr Poroshenkoda bitta maqsad bor – hokimiyat tepasida barcha yo‘l bilan qolish.
Uning qayd etishicha, Poroshenko «o‘z atrofi va ittifoqchilari o‘rtasida» korrupsiya bilan kurashish o‘rniga, Saakashvilini fuqarolikdan mahrum qilib «Ukraina prezidenti va butun davlatning obro‘sini tushirmoqda».
Timoshenkoning ta'kidlashicha, davlat rahbarining o‘zini bunday tutishi «Ukrainani butun jahon ko‘z oldida sharmanda qilmoqda va jahon hamjamiyati tomonidan tegishli tarzda baholanishi lozim».
