30 июль куни Арнольд Шварценеггер — спортчи, актёр, сиёсатчи, тадбиркор, бир сўз билан машҳур инсон — 70 ёшни қаршилади.

Арнольднинг спортга кириб келиши отаси билан боғлиқ. Айнан унинг қистови билан дастлаб у футболчи бўлиб етишиб чиқиши мумкин эди. Бироқ, Арнольд ўша вақтлар учун янги спорт тури бўлган — бодибилдингда ўзини синаб кўришга қарор қилди ва бу турда жуда кўплаб муваффақиятларга эришди, махсус «Mister Universe» мукофотини қўлга киритди ва бунинг натижасида, туғилиб ўсган Австриясидан АҚШга бориш имкониятни қўлга киритди.

Ҳолливуд Арнольдни дарҳол қабул қилгани йўқ, аммо бу маълум муддатда ўзининг ақлбовар қилмас ҳаракати билан ҳам тилни, ҳам актёрлик маҳоратини чуқур ўрганди. Натижада эса у киносаноатнинг энг эътиборли ва ёрқин юлдузларидан бирига айлана олди. «Терминатор», «Эгизаклар», «Сўнгги кино қаҳрамон», «Йиртқич», «Коммандо» — бу киноасарлар ўз даврида бутун дунёнинг энг севимли фильмлари қаторидан жой олди. 

Бу каби машҳурлик Арнольдга камлик қилди ва 2003 йилда Шварценеггер Калифорния штати губернаторлигига сайланди. Бу даврда у кинодаги фаолиятини тўхтатди. Кинога қайтиш яна 10 йилдан сўнг содир бўлди. Яқинда эса Жеймс Кэмерон «Терминатор»нинг яна бир трилогиясини суратга олиш режаси ҳақида эълон қилди. Бу эса 70 ёшли Арнольднинг биографиясини яна бир қизиқарли саҳифа билан бойитишига шубҳа йўқ.

Carolco Pictures Inc.

Арнольд Шварценеггер «Терминатор-2: Қиёмат куни» фильмида

Johansen Krause

Арнольд Шварценеггер ёшлик йилларида

Reuters

Арнольд Шварценеггер ва Мария Шрайвер. Арнольд президент Жон Кеннедининг жияни ва журналист Мария билан 70 йиллар ўртасида танишади, аммо у билан фақатгина 1986 йилда турмуш қуради. Жуфтлик 25 йил давомида тўрт нафар фарзанд кўради. Арнольд сиёсий майдондаги фаолиятини якунлаган 2011 йилда улар Мария билан дарҳол ажрашади.

Wikimedia Commons

Арнольд Шварценеггер «Терминатор 2: Қиёмат куни» (2005) фильмида

Wikimedia Commons

Актёр Арнольд Шварценеггер

Wikimedia Commons

Арнольд Шварценеггер ва режиссёр Жеймс Кэмерон фильм суратга олиш жараёнида

Sony/Columbia

Арнольд Шварценеггер «Қизил жазирама» фильмида

Gilbert Tourte/AP

Арнольд Шварценеггер ва Сильвестр Сталлоне Канн кинофестивалида (1990)

Кирилл Лебедев/«Газета.Ru»

 Арнольд Шварценеггер Москвада янги фильм тақдимотида (2013 йил)

Eric Rosberg/AP

Собиқ Калифорния губернатори Арнольд Шварценеггер глобал исишни олдини олишга қарши тадбирда нутқ сўзламоқда (2017 йил 25 июль)