Янги Зеландия яқинида 5,6 магнитудали ер силкиниши юз берди. Бу ҳақда Reuters хабар қилмоқда. 

Таъкидланишича, зилзила маркази Рауль оролидан 123 километр шимоли-шарқда бўлган. Ер силкиниши “жуда кучли” деб баҳоланди.

Бундан ташқари, Россиянинг Курил оролларидан шарқда ҳам 5,7 магнитудали зилзила юз берди. Бу ҳақда РИА «Новости» хабар тарқатган.

Ер силкиниши маркази Курильск шаҳридан 262 километр масофадаги Итуруп ороли шарқида бўлган. Зилзила маркази ер тубидан 86 километр масофада жойлашган. Қурбонлар ва вайронагарчиликлар ҳақида маълумот ҳозирча йўқ.