Эфирдаги чиқишидан кейин Paynet асосчисига Солиқ қўмитаси раҳбари қўнғироқ қилди

Ўзбекистон 02 Август 2017 54270
Фото: Халқаро пресс-клуб

Ўзбекистон Давлат солиқ қўмитаси раиси Ботир Парпиев Paynet компанияси асосчиси Ботир Арифжановга қўнғироқ қилиши унинг учун кутилмаган ҳодисага айланган.

«Менга кутилмаганда қўнғироқ қилишди. Менга эрталаб Ботир Парпиев телефон қилди ва уни мен пресс-клубда билдирган таклифлар қизиқтириб қолгани ҳақида гапирди. Биз бироз фискал сиёсати ҳақида гаплашдик, шундан кейин у мени бу таклифларимни ўз ўринбосари билан учрашувда муҳокама этишга таклиф қилди», – дея ёзган Арифжанов 28 июль куни Facebook ижтимоий тармоғидаги саҳифасида.

Эслатиб ўтамиз, 26 июль куни Халқаро пресс-клубнинг навбатдаги сессиясида «Ўзбекистоннинг замонавий солиқ сиёсати: вазифалар ва амалга ошириш механизми» мавзусида учрашув ўтказилганди. Анжуманда солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш, солиқ тўловчиларга яратилган қулайлик ва имтиёзлар, давлат солиқ хизмати органлари тизимини ислоҳ этишнинг муҳим йўналишлари муҳокама қилинганди.

Ботир Арифжановнинг тан олишича, у Ботир Парпиев билан суҳбатдан кейин «бизда ҳаммаси яхши ва барчаси режа бўйича кетмоқда» қабилида фикрлайдиган навбатдаги амалдор билан зерикарли учрашувга тайёрланган.

Тез орада у Парпиевнинг ўринбосари билан учрашган. «Биз қора бозор, даромадларни яшириш ва солиқдан қочиш ҳолатлари туфайли иқтисодиётда юзага келган муаммоларни очиқ муҳокама қилдик. Айтишни истардимки, у ердагилар муаммолар ҳақида билишади ва уларни ҳал этиш учун ҳамкорликка тайёрлар», – дея қайд этган Арифжанов.

Унинг ёзишича, Солиқ қўмитаси қошида етакчи тадбиркорлар, маслаҳатчилар ва Молия вазирлиги мутахассислари иштирокида маслаҳатчи кенгаш тузиш борасида келишувга эришилган.

Эслатма: Ботир Арифжанов 2010 йилда Paynet бошқарувидан кетган ва айни вақтда компанияга алоқадор эмас.

ХПКда навбатдаги сессия: Ўзбекистоннинг замонавий солиқ сиёсати: вазифалар ва амалга ошириш механизми

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 7845 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 8877 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9667 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 34682 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51554 Жамият
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
Остона жараёни доирасидаги Сурия бўйича янги учрашув Остонада ўтказилмайди
12:10 15 Жаҳон
Тошкент вилояти аграрчилари қишлоқ хўжалиги техникаси билан таъминланади
Ўзбекистонлик йигит АҚШдаги фильмлар танловида ғолиб бўлди
Адлия вазири Навоий вилоятида сайёр қабуллар ўтказди 
Кўпроқ янгиликлар