Африка космик пойгага қўшилди

Жаҳон 07 Август 2017 4166

Африка қолган қитъалардан кечроқ бўлса-да, халқаро космик пойгаларга қўшилди. Ер атрофи орбитасига олиб чиқилган илк африка сунъий йўлдоши Гана давлатининг Кофоридуа шаҳрида жойлашган Барча миллатлар университети муҳандислари жамоаси томонидан ишлаб чиқилган GhanaSat-1 бўлди. Hi-News шу ҳақида хабар берди. 

Лойиҳа олимларнинг икки йилга яқин вақтини олди, унинг нархи эса 50 минг долларни ташкил қилди. Сунъий йўлдош июнь ойида NASA Халқаро космик марказига етказилган ва июль ойида SpaceX компанияси ракетасида космосга олиб чиқилган. 

"Сунъий йўлдошимиз олдида икки асосий вазифа турибди. Биринчидан, у камералари ёрдамида Гана қирғоқларида мониторинг олиб боради. Иккинчидан, биз таълим мақсадларини кўзладик. Сунъий йўлдош орқали олинган маълумотларни мактаб дастурида қўллаш режалаштирилмоқда", - дейди Барча миллатлар университети профессори Ричард Дамоа. 

Орбитага олиб чиқилган сунъий йўлдошдан сигнал келган, бу эса унинг парвози муваффақиятли кечганини билдиради. Табиийки, Гананинг кичик сунъий йўлдоши бошқа мамлакатлар ютуқлари олдида у қадар кучли таассурот қолдирмайди, бироқ бу кичик муваффақият африкалик олимлар учун  улкан миллий аҳамиятга эга. Айниқса, олимларнинг бу борада ўз давлатидан ҳеч қандай ёрдам олмаганини инобатга олганда. 

Тахминларга кўра, Ганадан кейин ЖАР, Нигерия, Кения ва Эфиопия космик агентликлари ўз сунъий йўлдошларини орбитага олиб чиқади. Келаси йили Ангола ўз сунъий йўлдошини учириши эса аниқ маълумотларга асосланган. 

Гана энди ҳукуматнинг қўллаб-қувватлаши остида иккинчи сунъий йўлдошини ишлаб чиқармоқда ва уни янада сифатли камералар билан таъминлайди. Шу тариқа ўрмонларнинг ноқонуний кесилиши ва минералларнинг қазиб чиқарилиши давлат томонидан назоратга олинади. 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34291 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72556 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10584 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136812 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 215 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 930 Жамият
Виталий Денисов футболга қайтганидан хурсанд
02:29 508 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 670 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар