Apple бош директори Тим Кук компаниянинг расмий бизнес-стратегиясига хизматлар (сервислар) яратишни қўшишга қарор қилди. Кук инвесторларга тақдим қилган ҳисоботга кўра, хизматлар компаниянинг даромади катталиги бўйича иккинчи моддасига айланди.

"Охирги 12 ой ичида хизматларимиз келтирган даромад Fortune рўйхатига кирувчи баъзи компаниялар капиталлашуви билан тенглашди. Биз бунга кутганимиздан ҳам эртароқ эришдик", деб айтган Кук.

Баъзи таҳлилчиларнинг фикрича, Apple’нинг янги бизнес-стратегияга ўтиши компания келажагини белгиловчи ривожланишнинг янги модели ибтидоси ҳисобланади.

Шунга ўхшаш вазият 1990-йиллар ўрталарида юз берган. Ўшанда Стив Жобс томондан бошқарилувчи Apple ўз номидаги Computer сўзидан воз кечиб, эътиборини мобиль қурилмалар яратишга қаратган.