Самарқандда бизнес омбудсман мавзуси муҳокама қилинди

Жамият 13 Август 2017 2704

Cамарқандда «Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил тўғрисида»ги Қонун лойиҳасига бағишланган давра суҳбати бўлиб ўтди, деб хабар беради Кун.узга Ёшлар иттифоқининг вилоят Кенгаши матбуот хизмати.

Давра суҳбатида адлия, прокуратура, савдо-саноат палатаси, адвокатлар палатаси, бошқа тегишли ташкилотлар ва тадбиркорлар вакиллари иштирок этишди.

Ўзбекистон ўз мустақиллигини қўлга киритгандан сўнг хусусий мулк бошқа мулк шакллари каби давлат ҳимоясига олинди, юртимизда ўрта мулкдорлар синфи шаклланди. Соҳада олиб борилган ислоҳотлар самараси ўлароқ, мамлакатда биргина кичик тадбиркорлик субъектлари сони 210 мингдан ошгани қайд этилди.

Янги қонун лойиҳаси Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил фаолиятини тартибга солиш мақсадида ишлаб чиқилганлиги таъкидланди.

Жумладан, қонун лойиҳасининг 3-моддасига кўра Тадбиркорлар ҳуқуқларини ҳимоя қилиш бўйича вакил – тадбиркорлик субъектларининг ҳуқуқлари ва қонуний манфаатларини ҳимоя қилиш кафолатларини, мазкур ҳуқуқлар ва қонуний манфаатларга давлат органлари, шу жумладан ҳуқуқни муҳофаза қилувчи ва назорат идоралари, шунингдек бошқа ташкилотлар томонидан риоя этилишини таъминловчи мансабдор шахс эканлиги билдириб ўтилди.

Лойиҳада назарда тутилган нормаларнинг ҳаётга тадбиқ қилиниши, тадбиркорлик субъектларининг ҳуқуқ ва қонуний манфаатларини ҳимоя қилиш тизимиинг янги таъсирчан механизмларини жорий этиш ҳамда мамлакатимизда янада қулай ишбилармонлик муҳитини яратишга хизмат қилиши тушунтирилди.

Давра суҳбатида иштирок этган ташкилот ва идоралар вакиллари томонидан қонун лойиҳасига бир қатор таклифлар берилди. Хусусан, вилоят адлия бошқармаси вакили томонидан қонун лойиҳасининг айрим моддаларига ўзгаришлар киритиш таклифи берилди. Қонун оддий ва содда ҳамма тушунадиган тилда бўлиши хусусида аниқ таклифлар берилди. Шунингдек, вилоят прокуратураси вакили томонидан бизнес омбудсманнинг вилоятдаги вакилини мутахассислиги юзасидан таклифлар берилди.

Тадбир давомида янграган барча таклифлар умумлаштирилиб Олий Мажлис қонунчилик палатасига тақдим этилади.

Ўз мухбиримиз.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 9606 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 44965 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 73320 Ўзбекистон
Кун.uz офис изламоқда
15:48 / 06.08.2017 40712 Lifestyle
Ўқишга кира олмадингизми? Ташвишланманг, талаба бўлишингиз мумкин 
16:32 106 Жамият
Етакчи брендлар Франкфуртдаги мотор-шоуда қатнашишдан воз кечишди
16:08 327 Жамият
Конте ва «Челси» раҳбарияти ўртасидаги тушунмовчилик тафсилотлари маълум қилинди
16:03 1141 Спорт
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 2795 Жамият
"Одноклассники" кайфият улашувчи сервисини ишга туширди
Ўткинчи туйғулар ёхуд орзулари хазон бўлган қиз
15:52 2869 Жамият
Кўпроқ янгиликлар