Бугун Англия премьер-лигасининг иккинчи туридан ўрин олган учрашувларга старт берилади. Tribuna.Uz «Уэмбли»да кечадиган дастлабки дерби, Манчестердаги ўзига хос кураш ва бошқа учрашувлар тафсилотига батафсил тўхталиб ўтади.

Англия премьер-лигаси 2-тур

«Суонси» – «Манчестер Юнайтед» (19 август, Futbol TV, Матч! Футбол 1)

Ўйинолди қизиқарли фактлар
«Манчестер Юнайтед» Премьер-лига доирасида «Суонси Сити»га қарши сўнгги уч учрашувнинг иккитасида ғалаба қозонган (1 дуранг), унгача эса кетма-кет уч учрашувда 2:1 ҳисобда ютқазганди. «Суонси» «Юнайтед»га қарши АПЛ доирасидаги барча 12 учрашувда бирор марта ҳам ўз дарвозаси дахлсизлигини сақлаб қола олмаган.

Уэльсликлар ўтган мавсумни ҳам қўшиб ҳисоблаганда сўнгги 6 учрашувдан буён мағлубиятга (4Ғ, 2Д) учрамай келмоқда. Жумладан «МЮ»га қарши ўтган мавсум сўнггида бўлиб ўтган учрашувда ҳам дуранг қайд этилган. Бу натижа жамоанинг 2013 йил январидан буён қайд этган энг яхши кўрсаткичи саналади.

Ромелу Лукаку янги жамоадаги икки дебют учрашувида гол урган бешинчи «МЮ» футболчиси (бунгача Ибраҳимович, Марсиал, Македа ва Саа АПЛдаги дебют икки ўйинида ҳам кетма-кет гол урган) бўлиши мумкин.

Йўқотишлар
«Суонси» таркибида ҳужумчиси Фернандо Льоренте (қўлини синдириб олган) майдонга туша олмайди. «Манчестер Юнайтед» эса Люк Шоу ва Эшли Янг хизматидан фойдалана олмайди.

«Ливерпуль» – «Кристал Пэлас» (19:00, Futbol TV, Матч! Футбол 1)

Ўйинолди қизиқарли фактлар
Икки жамоа ҳам барча мусобақалар доирасидаги сўнгги 10 учрашувда рақиблар дарвозасини ишғол қилиб келмоқда. «Ливерпуль» «Кристал Пэлас» ўртасидаги сўнгги 10 ўйинда ўртача ҳар бир ўйинда 3,9тадан гол киритилмоқда.

«Кристал Пэлас» Премьер-лига доирасидаги «Энфилд»да кечган сўнгги учта учрашувда фақат ғалаба қозонган ва бугун, кетма-кет тўрт марта Ливерпулдан ғалаба билан қайтган илк жамоага айланиши мумкин. Кристиан Бентеке «Энфилд»да рақиб футболчиси сифатида уч ўйинда 5та гол киритишга муваффақ бўлган. Бошқа исталган жойдаги натижадан бу кўрсаткич яхшироқ саналади.
Садио Мане «Кристал Пэлас»га қарши АПЛ доирасидаги сўнгги беш учрашувда 3 гол ва 1 голли узатма муаллифи бўлган.

Йўқотишлар
«Ливерпуль» ҳужумчиси Даниэль Старриж узоқ танаффусдан сўнг бу учрашувда майдонга тушиши мумкин бўлади. Филипп Коутиньо, Натаниэль Клайн ва Адам Лаллана жароҳати сабаб бу учрашувда иштирок этмайди.
«Кристал Пэлас» эса ўйинни Вилфрид Заасиз ўтказади, аммо Йоан Кабай ва Жеймс МакАртур жароҳатидан тузалиб сафга қайтиши керак.


Сток Сити – Арсенал (21:30, Futbol TV, Матч! Футбол 1)

Ўйинолди қизиқарли фактлар
«Сток Сити» «Арсенал»га қарши ўз уйида кечган сўнгги етти учрашувнинг фақат биттасида (3Ғ, 3Д, 1М) мағлубиятга учраган. «Арсенал» 2009/10 йилдан буён илк марта АПЛни кетма-кет икки ғалаба билан бошлаши мумкин.

«Арсенал»га қарши энг кўп боши билан (9 марта) гол урган Питер Крауч сўнгги икки голини айнан bet365 стадиоинида киритган.
Александр Ляказетт кетма-кет икки дебют учрашувида гол урган «Арсенал» тарихидаги илк футболчи бўлиши мумкин.

«Сток Сити» янги ҳужумчиси Хесе Родригес «Париж Сен-Жермен»дан ижара олинди ва бу учрашувда дебют қилиши мумкин. Қизиқ томони Хесенинг «Реал»даги фаолиятидаги нуқта қўйган машъум жароҳатни унга айнан бугун «Арсенал» сафида майдонга тушиши кутилаётган Сиёд Колашинац етказганди. Шу маънода бу учрашув икки футболчининг қайта учрашуви сифатида кичик интригани келтириб чиқариши мумкин.

Қайд этиш керакки, «Сток Сити» таркибида Чемпионлар лигасида ғолиб чиққан 5 нафар футболчи бор. Булар Хесе Родригес («Реал» сафида), Боян Кркич ва Иброҳим Афеллай (иккиси «Барселона»), Шақирий («Бавария») ҳамда Флетчер («МЮ»).

Йўқотишлар
Мезбонлар таркибида Ибраҳим Афеллай ва Стивен Айрлэнд майдонга туша олмайди. «Арсенал» Шкодран Мустафи ва Фрэнсис Коклен бу учрашувда сафга қайтиши мумкин. Пер Мертезакер эса юзидан олган жароҳати сабаб бу учрашувда иштирок эта олмайди. Шунингдек, Алексис Санчес майдонга туша олмаслиги аниқ. Санти Касорла узоқ вақтдан буён ўйнамаяпти. Лоран Косьелни эса дисквалификация қилинган.

«Тоттенҳэм» – «Челси» (20 август, 20:00, Futbol TV, Матч! Футбол 1)

Ўйинолди қизиқарли фактлар
Бу «Уэмбли» стадионида бўлиб ўтадиган илк Англия премьер-лигаси илк учрашуви бўлади. Натижада АПЛ ўйинлари ўтказилган стадионлар сони 58тага етади.
«Челси» «Тоттенҳэм»га қарши барча мусобақалардаги жами 178 ўйиннинг фақат иккитасида мағлубиятга (8Ғ, 7Д, 2М) учраган.
Аммо «Шпорлар» ўз уйида Маурисио Почеттино бошчилигида АПЛдаги барча Лондон дербиларини мағлубиятсиз ўтказмоқда. Жамоа ўз уйида кечган 13 Лондон дербисининг 9тасида ғалаба қозонган, 4 дуранг.
«Челси» амалдаги чемпион сифатида АПЛни кетма-кет икки мағлубият билан бошлаган жамоа бўлиб қолиши мумкин.

«Тоттенҳэм» таркибида Дэнни Роуз, Эрик Ламела ва Жорж-Кевин Нкуду жароҳати сабаб майдонга туша олмайди. Киран Триппьернинг иштироки ҳам сўроқ остида қолмоқда. «Челси» таркибида жароҳатдан тузалиб сафга қайтган Tиемуэ Бакайоко дебют қилиши мумкин. Педро ва Эден Азар тўлиқ соғайиб кетмаган ва бу учрашувда иштирок этиши сўроқ остида қолмоқда. Гари Кэйҳилл ва Сеск Фабрегас эса ўтган турдаги қизил карточка сабаб бу учрашувни ўтказиб юборади.

«Манчестер Сити» – «Эвертон» (21 август, 23:55, Futbol TV, Матч ТВ)

Ўйинолди қизиқарли фактлар
«Эвертон» «Манчестер Сити»га қарши АПЛ тарихидаг энг йирик ғалабасига ўтган мавсумда эришган (4:0).
«Манчестер Сити» сўнгги олти учрашувдан буён ўз уйида «Эвертон»га ютқазмай келмоқда (3Ғ, 3Д).
Уэйн Руни АПЛдаги голлари сонини 200тага етказиб олиши учун яна битта гол уриши керак. 200 гол киритган футболчилар ичида фақатгина Алан Ширер «Сити» дарвозасига (11 гол) Рунидан кўпроқ (8 гол) уришга муваффақ бўлган
Серхио Агуэро яна битта гол киритса, АПЛ тарихида европалик бўлмаган энг яхши тўпурарга айланади  ва бу борада рекордчи бўлиб турган Дуайт Йоркни ортда қолдиради (ҳозирда унинг ҳисобида 123та гол бор).

«Манчестер Сити» таркибида Илкай Гундўған ва Бенжамин Менди тўлиқ машғулотларга қайтган, аммо уларнинг майдонга тушиши сўроқ остида турибди. Фабиан Дельфда ҳам шу ҳолат.
«Эвертон» таркибида жароҳати сабаб Шеймус Коулмэн, Янник Болази ва Рамиро Фунес-Мори учрашувда иштирок эта олмайди. Росс Баркли ва Жеймс МакКартини иштироки сўроқ остида.

2-турда шунингдек яна 5 учрашув бўлиб ўтади:

19 август, 19:00
Лестер – Брайтон
Бёрнли – Вест Бромвич
Борнмут – Уотфорд
Саутҳемптон – Вест Ҳэм
20 август, 17:30
Ҳаддерсфилд – Ньюкасл