Европа лигаси плей-офф босқичининг жавоб учрашувида Хорватиянинг “Хайдук” клуби ўз майдонида Англиянинг “Эвертон”ини қабул қилди. Учрашув 1:1 ҳисобида якунланди.

Мезбонлар сафида голни ўз ҳисобига Йосип Радошевич, “Эвертон”да эса Гилфи Тор Сигурдссон ёзиб қўйди. “Эвертон” 1-учрашувда 2:0 ҳисобида ютгани сабабли, мусобақанинг гуруҳ босқичига чиқа олди.

Параллел равишда ўтган яна бир учрашувда Венанинг “Аустрия” клуби ўз майдонида Хорватиянинг “Осиек”ига 0:1 ҳисобида ютқазди. Австрияликлар 1-учрашувда 1:2 ҳисобида ютганлари сабабли, ўзга майдонда урилган гол қоидасига кўра гуруҳ босқичига йўл олишди.

Норвегиянинг “Русенборг”и ўз майдонида Голландиянинг “Аякс” клубини қабул қилди. Учрашув норвеглар фойдасига 3:2 ҳисобида якунланди. 

“Русенборг” учун голларни Никлас Бендтнер ва Самуэль Адегбенро (дубль) киритдилар. “Аякс” сафида Амин Юнес ва Лассе Шоне ўзларини кўрсата олдилар. “Русенборг” 1-учрашувда 0:1 ҳисобида зафар қучгани сабаб гуруҳ босқичига чиқди, ўтган йил мусобақанинг финалигача борган “Аякс” эса ундаги иштирокини якунлади.

Италиянинг “Милан” клуби Македониянинг “Шкендия”сини (1-учрашув – 6:0, 2-учрашув – 1:0), Франциянинг “Марсель” клуби Словениянинг “Домжале”сини (1-учрашув – 1:1, 2-учрашув – 3:0), Испаниянинг “Атлетик” клуби Грециянинг “Панатинаикос”ини (1-учрашув – 3:2, 2-учрашув – 1:0), Португалиянинг “Брага” клуби Исландиянинг “Хабнарфьордюр”ини (1-учрашув – 2:1, 2-учрашув – 3:2) мағлуб этиб, кейинги босқичга йўл олдилар. 

Европа лигаси. Плей-офф босқичи. 2-учрашув

Хайдук (Хорватия) – Эвертон (Англия) - 1 : 1
Голлар: 
1:0 – Радошевич (43), 1:1 – Сигурдссон (46)

Аустрия (Австрия) – Осиек (Хорватия) - 0 : 1
Гол:
 0:1 – Бобан (62)

Русенборг (Норвегия) – Аякс (Нидерландия) - 3 : 2
Голлар: 
1:0 – Бендтнер (25), 1:1 – Юнес (60), 1:2 – Шоне (61), 2:2 – Адегбенро (80), 3:2 – Адегбенро (89)

Шкендия (Македония) – Милан (Италия) - 0 : 1
Гол: 
0:1 – Кутроне (13)

Марсель (Франция) – Домжале (Словения) - 3 : 0
Голлар: 
1:0 – Жермен (28), 2:0 – Жермен (56), 3:0 – Товен (85)

Атлетик (Испания) – Панатинаикос (Греция) - 1 : 0
Гол: 
1:0 – Муньяин (22)

Брага (Португалия) – Хабнарфьордюр (Исландия) - 3 : 2
Голлар: 
0:1 – Бёйдварссон (16), 1:1 – Паулинью (39), 1:2 – Бёйдварссон (51), 2:2 – Паулинью (80), 3:2 – Соуза (90+3)