Германия ташқи ишлар вазири Зигмар Габриель Туркиянинг қачон ЕИ аъзоси бўлиши хусусида баёнот берди. Туркия президент Ражаб Тоййиб Эрдўған даврида ЕИ аъзоси бўлмайди, деган вазир Bild нашрига берган интервьюсида.

«Бу бизнинг уларни хоҳламаётганимизни англатмайди, аммо Туркия ҳукумати Эрдўған бошқарувида Европа ҳимоя қилаётган нарсанинг зидди томон жуда тез ҳаракат қилмоқда… Туркия ҳозирги ҳолатида ЕИ аъзоси бўлмаслиги мутлақ аниқ», — деган Зигмар Габриель. 

Германия ташқи ишлар вазири Зигмар Габриель. Фото:Bild

Аввалроқ, Эрдўған Германиядаги туркларни ГФР канцлери Ангела Меркелга дўстона кайфиятдаги партияларга овоз бермасликка чақирар экан, уларни «Туркия душманлари» деб атаган эди.

Зигмар Габриэль эса, Эрдўған сўзларини мамлакат суверенитетига аралашув деб баҳолаганди. 

Бунга жавоб Ражаб Тоййиб Эрдўған Зигмар Габриэлга «ўз жойини билишни» тавсия қилган эди.