2017 йилнинг 25 август куни Ўзбекистон Республикаси Ташқи ишлар вазири Абдулазиз Комилов Исроил Давлатининг янги тайинланган Фавқулодда ва Мухтор Элчиси Эдуард Шапирани қабул қилди. Бу ҳақда ТИВ матбуот хизмати хабар берди.

Элчи Вазирга ўз ишонч ёрлиқлари нусхасини топширди.

Суҳбат чоғида Ўзбекистон-Исроил муносабатлари ҳолати ва уни янада ривожлантириш, хусусан савдо-иқтисодий ва инвестицион соҳаларда кенгайтириш истиқболлари муҳокама қилинди.

Музокараларда баъзи минтақавий ва халқаро муаммолар юзасидан ҳам фикр алмашилди.