Tailandning sobiq bosh vaziri Yinglak Chinavat Singapurga qochib ketdi. Bu u korrupsiya bo‘yicha ish yuzasidan qaror e'lon qilinishiga kelmaganidan so‘ng yuz bergan, deb yozmoqda Independent nashri uning tarafdorlari bayonotiga asosan.
Yinglak Chinavat 2011 yilda bosh vazir lavozimini egallagan birinchi ayolga aylandi. U guruch garovi deb nomlangan dotatsiya dasturi bilan bog‘liq korrupsiya ishida ayblanmoqda.
U juma, 25 avgust kuni sudga kelishi kerak edi, biroq buni qilmadi. Uning himoyachisi so‘zlariga ko‘ra, Chinavat qulog‘idagi infeksiya tufayli o‘zini yomon his etgan, shu sababdan yig‘ilishni o‘tkazib yuborgan.
Avvalroq Tailandning korrupsiyada ayblangan sobiq bosh vaziriga hukm o‘qish kechiktirilgani xabar berilgandi. Sud sobiq bosh vazirni qaror o‘qilishiga kelmagani uchun hibsga olish uchun order bergan.
