Россия президентининг матбуот котиби Дмитрий Песков Bloomberg агентлигининг РФ Иқтисодий ривожланиш вазирлиги раҳбари Максим Орешкин мамлакат раҳбари Владимир Путиннинг «арзандаси» экани ҳақидаги хабарига изоҳ берди.

«Мен, афтидан, вазиятни Bloomberg каби кўриш имконияти ва у ҳақда барча маълумотга эга эмасман, шунинг учун бундай таҳлилга баҳо бера олмайман. Хуллас, мен бундай гап-сўзлар қаердан келиб чиқаётганини тушунмаяпман», - деди Песков.

Аввалроқ Bloomberg агентлиги «Путиннинг янги арзандаси» ҳақида маълум қилганди.