Навоий шаҳар ҳокимлиги ташаббуси билан Навоий шаҳар Уй-жой ва ётоқхоналардан фойдаланиш бошқармаси томонидан шаҳардаги барча ётоқхоналарда байрам дастурхони ташкил этилди.

2016 йил ноябрда Навоий вилоятида ўтказилган сайловолди учрашувида президентликка номзод Шавкат Мирзиёевнинг "Азиз Навоий халқи! Жамиятмизда китобхонлик мутолааси ва ёшларнинг китобхонлик маданиятини кучайтириш учун таъсирчан лойиҳаларни излаб топиш, ташаббуслар кўрсатишда айнан Навоий вилояти ибрат бўлиши керак”, деган гаплари натижаси ўлароқ ҳудуд аҳолиси учун "Тафаккур майдончаси” тарғибот лойиҳасининг очилиши бўлди.

Ушбу майдончада беш квадрат метр кенгликдаги шахмат майдончаси ҳамда Ўзбекистонда илк бор бўйи 3 метрли оппоқ китоблар ҳайкали монументи ўрнатилган бўлиб, бу маскан болаларни китобхонликка янада кўпроқ жалб қилиши тайин.