Yekaterinburgdagi YTHda 8 kishi halok bo‘ldi (suratlar)

Yekaterinburgdagi "Polevskoy trakt" yo‘lining 24-kilometrida samosval va ikki UAZ ishtirokida yirik YTH ro‘y berdi. "Gazeta.ru"da xabar berilishicha, samosval yo‘lda harakatlanib ketayotganida uning bir tomonidagi balloni yorilgan va mashina yon tomonga ag‘anab, ikki UAZni bosib qolgan. YTHdan keyin yuk mashinasi yonib ketgan, voqea joyiga yetib kelgan qutqaruvchilar yong‘inni o‘chirishga muvaffaq bo‘lishgan. Yo‘l-transport hodisasida 8 kishi halok bo‘lgan, 4 kishi shifoxonaga joylashtirilgan.