Жанубий Корея қуролли кучлари штаблар бошлиқларининг бирлашган қўмитасидан маълум қилинишича, КХДРнинг янги ракетаси 3700 км масофани учиб ўтган. Бу ҳақда «Рёнхап» хабар бермоқда.

«Шимолий Корея ракетаси 3700 км учиб ўтиб, 770 км.лик максимал баландликка чиқди», - дейилади баёнотда.

Япония ҳукумати бош котиби Ёсихидэ Сугининг сўзларига кўра, КХДР томонидан учирилган ракета Хоккайдо оролидаги Эримо бурунидан 2000 км масофада қулаган, деб хабар бермоқда NHK.

Аввалроқ Шимолий Корея Тинч океани томон ракета учиргани хабар берилди. Шундан сўнг Жанубий Корея КХДР ҳаракатига жавобан дарҳол ўз баллистик ракетасини учирди.