Janubiy Koreya armiyasi KXDR Yaponiya tomon raketa uchirganidan so‘ng, bunga javoban «Xenmu-2» ballistik raketasini uchirdi. Bu haqda RIA «Novosti» «Ryonxap» agentligiga asosan xabar bermoqda.
«Bizning qurolli kuchlar Shimoliy Koreya raketa uchirishi bilan, «Xenmu-2» raketasini Yapon dengizi tomon uchirdi», - deya ma'lum qilishgan Janubiy Koreya qurolli kuchlarining shtablar boshliqlari birlashgan qo‘mitasidan.
Mahkama ma'lumotlariga ko‘ra, Janubiy Koreya raketasi 250 kilometr masofani uchib o‘tgan. Ta'kidlanishicha, bu masofa KXDR o‘z raketasini uchirgan Sunan aeroportiga bo‘lgan masofaga tengdir.
Avvalroq Shimoliy Koreya Tinch okeani tomon raketa uchirgani xabar berilgandi.
