Ўзбекистон чемпионатининг 21-туридан ўрин олган яна бешта учрашув бугун бўлиб ўтди ва унда бир қатор қизиқарли учрашувлар кузатилди.

Қаршида «Насаф» пешқадам «Локомотив»ни Драган Чераннинг дубли эвазига мағлубиятга учратган бўлса, «Пахтакор» ўз уйида «Шўртан»ни йирик ҳисобда мағлуб этди. «Локомотив»нинг очко йўқотишидан «Бухоро» фойдалана олмади. Жамоа ўз уйида «Динамо» билан дуранг ўйнаб, муҳим икки очкони бой берди.

Ушбу ўйинлардан кейин «Локомотив» 20 учрашувда 45 очко тўплаб, ҳамон етакчилик қилмоқда. «Бухоро» 21 учрашувда 37 очко тўплаган ва жадвалнинг 2-поғонасини банд этган. «Насаф» ва «Пахтакор» эса 20 ўйинда бир хил 35 очкодан тўплаган ҳолда 3-4 ўринларни бўлишиб турибди.

Ўзбекистон чемпионати 21-тур

«Насаф» – «Локомотив» 2:0 (1:0)
Голлар: Драган Черан (10, пенальти, 90+4). 
«Насаф»: Санжар Қувватов, Акмал Шораҳмедов, Мақсуд Каримов, Азизжон Ғаниев, Одилжон Ҳамробеков, Баҳром Абдураҳимов (Жасур Ҳасанов, 80), Ислом Кенжабоев (Бобир Абдуҳолиқов, 89), Игорь Голбан, Фарруҳ Сайфиев, Драган Черан, Умарбек Эшмуродов.
«Локомотив»: Игнатий Нестеров, Кахи Махарадзе, Икром Алибоев, Марат Бикмаев, Сардор Мирзаев, Ислом Тўхтахўжаев, Шуҳрат Муҳаммадиев, Олег Зотеев, Муҳаммад Коне, Санжар Шоаҳмедов (Садриддин Абдуллаев, 60, Тимур Кападзе, 79) Жалолиддин Машарипов (Муродбек Бобожонов, 71).

«Пахтакор» – «Шўртан» 3:0 (2:0)
Голлар: Азим Аҳмедов (10), Владимир Козак (25), Игорь Сергеев (68). 
«Пахтакор»: Александр Лобанов, Владимир Козак, Марко Симич, Шерзод Аъзамов, Даврон Ҳошимов (Хожиакбар Алижонов, 81), Азим Аҳмедов, Ростин Гриффитс (Акбар Исматуллаев, 69), Суҳроб Нуруллаев, Гиди Канюк, Тиаго Безерра (Достон Иброҳимов, 76), Игорь Сергеев
«Шўртан»: Алибек Туробов, Жамол Отақулов, Ҳасан Эргашев, Олимжон Каримов, Игорь Таран, Лазиз Убайдуллаев, Обид Жўрабоев, Элдор Бойматов (Жасур Холтўраев, 46), Сунатилла Мамадалиев, Отабек Нарзуллаев (Маъруфхон Муродов, 64), Марадона Сафаров (Равшан Хурсанов, 68).

«Навбаҳор» – «Металлург» 2:1 (0:0)
Голлар: Азизбек Турғунбоев (47, 66) — Зоҳид Абдуллаев (75). 

«Бухоро» – «Динамо» 0:0

 «Сўғдиёна» – «Қизилқум» 1:1 (0:0)
Голлар: Санжар Рашидов (54) — Акром Баҳриддинов (73). 
Четлатиш: Файзулло Қамбаров (Қизилқум, 27)