Авторақамлар онлайн аукциони сайти — avtoraqam.uzex.uz’да бугун соат 19:07да илк Premium классдаги рақам рекорд суммага сотилди.

14 млн. 977 минг 500 сўм бошланғич нарх билан савдога қўйилган 01 E 777 AB рақами 73 млн. 839 минг 75 сўмга сотилди.

Бу рақамдан кейин соат 19:31 да 01 D 777 AB рақами ҳам шунга яқин суммада реализация қилинди — 73 млн. 389 минг 750 сўм.

73 миллион сўмлик рекорд кўп ҳам ушланиб турилмаслиги аниқ. Соат 19:44 да 01 C 777 AB рақами бўйича аукцион савдолари давом этмоқда. Бу авторақамга талабгорлар кўп шекилли, ушбу хабар ёзилаётган чоғда унинг нархини 81 млн. 477 минг 600 сўмга кўтаришган эди.