АҚШнинг Детройт шаҳри яқинида боғча ёшидаги бола тасодифан ўқотар қуролни топиб олди ҳамда отишма содир этиб, икки ёш болани оғир яралади. Бу ҳақда маҳаллий полиция хабар берган.

Ҳодиса Дирборн шаҳрида рўй берди. Ҳар иккала жабрланувчи ҳам уч ёшда бўлган.

«Дастлабки терговда аниқланишича, уйда бўлган боланинг қўлига тўппонча тушиб қолган ҳамда ўқ узишни бошлаган. Яраланган болалар оғир, аммо барқарор ҳолатда қолмоқда», - дейилади ҳуқуқ-тартибот идораси баёнотида.

Отишма рўй берган хонада яна бир неча ёш болалар бор эди, улар махсус тайёргарликдан ўтган полициячилар томонидан сўроқ қилинди. Шунингдек, болаларга қараб турган аёл ҳам сўроққа тутилди. Ҳодиса юзасидан ҳозирча ҳеч кимга айбловлар қўйилгани йўқ.