«Real» prezidenti sudlanishi kutilayotgan Ronaldu haqida o‘z fikrini aytdi

«Real» prezidenti Florentino Peres soliqlarni to‘lashdan bo‘yin tovlaganlikda ayblanayotgan va buni tan olmagan hujumchi Krishtianu Ronaldu e'tiborini faqat futbolga qaratayotganini aytdi.

«Ronaldu xotirjam va o‘zini yaxshi his qilmoqda. U faqat o‘z ishi haqida qayg‘uradigan insonlar toifasidan. Uning vijdoni pok, u hech narsani yashirmayapti va noto‘g‘ri ish qilmagan.

O‘z vujudi va qalbini «Oltin to‘p» va boshqa sovrinlarni qo‘lga kiritishga bag‘ishlamoqda. Umid qilamanki, u sovrinlarni qo‘lga kiritishdan to‘xtamaydi» - dedi Peres.

Eslatib o‘tamiz, Ronaldu Ispaniya prokuraturasi tomonidan qo‘yilgan, 14,7 mln yevro miqdoridagi soliqlarni to‘lashdan bo‘yin tovlaganlik ayblovini tan olmadi. Endi uni sud mahkamasi kutmoqda.