Shveytsariyalik Rojyer Federer Professional tennischilar uyushmasi (ATP)ning Bazeldagi musobaqasi finalida argentinalik Xuan Martin del Potroni mag‘lub etdi. Musobaqaning mukofot jamg‘armasi 1,8 mln dollarni tashkil qilgan.
Uchrashuv 36 yoshli shveysariyalikning 6:7 (5:7), 6:4, 6:3 hisobidagi g‘alabasi bilan yakunlangan.
Shu tariqa Federer ATP’ning 95-musobaqasida g‘oliblikka erishdi va bu ko‘rsatkich bo‘yicha afsonaviy chex Ivan Lendlni (94 ta musobaqada g‘alaba) ortda qoldirib, 2-o‘ringa ko‘tarilib oldi. Bu borada amerikalik Jimmi Konnors 109 ta g‘alaba bilan yetakchi bo‘lib qolmoqda.