«Ювентус» ҳимоячиси Жоржо Кьеллини Corriere della Sera нашрига берган интервьюсида «Барселона» ҳужумчиси Лионель Мессининг ўйини ҳақида ўз фикрларини айтди.

«Агар Мессининг ҳаракатига қаршилик қилмоқчи бўлсанг, шу заҳотиёқ ютқазасан. Чунки, у шу қадар тез қарор қабул қиладики, ҳатто унга тегишга ҳам улгурмайсан.

Уни тўхтатиб қолишнинг ягона йўли - жамоавий ҳаракатлар. Сен дунёдаги энг яхши ҳимоячи бўлишинг мумкин, аммо, Мессига қарши ўзим қаршилик қила оламан деб ўйласанг, қаттиқ янглишасан» - деди Кьеллини.