Қозоғистон Миллий хавфсизлик қўмитаси департаменти ходимлари Жанубий-Қозоғистон вилоятида Сайрам тумани ва Чимкент шаҳрида яшовчи 11 фуқарони қўлга олди, деб хабар бермоқда Қозоғистон Республикаси Миллий хавфсизлик қўмитаси матбуот хизмати. Қўлга олинган шахслар терроризмни тарғиб қилиш ҳамда диний нифоқни авж олдиришда гумонланмоқда.

"Кўрсатилган шахслар Whatsapp, Telegram мессенжерлари ҳамда интернет тармоғидаги ижтимоий тармоқларда тизимли равишда ИШИД ва бошқа халқаро террорчилик ташкилотларининг экстремистик мафкурасини тарғиб қилган материалларни тарқатиб келган", - дейилади хабарда.

Махсус хизмат маълумотларига кўра, экстремистик материаллар иштирокчиларининг умумий сони 400 кишидан ортиқ бўлган 24 та тармоқ ҳамжамиятларида жойлаштирилган.

Фото: Қозоғистон Миллий хавфсизлик матбуот хизмати