21:24 / 24.11.2017
22360

Misrdagi terakt qurbonlari soni 235 nafarga yetdi

Misrning Sinay yarimorolidagi masjidda sodir etilgan terakt qurbonlari soni 235 nafarga yetdi. Bu haqda Misr davlat televideniyesi ma'lum qildi. Halok bo‘lganlar orasida bolalar ham bor, deb xabar bermoqda “Ar-Arabiya” telekanali.

130 ga yaqin odam yaralangan.

24 noyabrda Shimoliy Sinay viloyatining poytaxti Al-Arishdan 40 km uzoqlikda joylashgan Ar-Raud aholi punktidagi masjidda juma namozi vaqtida portlash sodir etilgan. Masjidni 4 ta mashinada qurshab olgan jangarilar portlashdan keyin masjiddan yugurib chiqayotgan odamlarni o‘qqa tutganlar. Guvohlarning aytishicha, jangarilar, shuningdek, voqea joyiga kelayotgan tez yordam mashinalarini ham o‘qqa tutganlar.

Mamlakatda terakt qurbonlari xotirasiga 3 kunlik motam e'lon qilindi. Ayni vaqtda birorta ham terrorchilik guruhi ushbu terakt uchun javobgarlikni o‘z zimmasiga olmagan.

Top