«Реал» ҳужумчиси Криштиану Роналду Чемпионлар лигаси гуруҳ босқичининг охирги турида Дортмунднинг «Боруссия» клубига қарши кечган ва 3:2 ҳисобида якунланган учрашувда урилган голлардан бирига муаллифлик қилди.

Шу тариқа, 32 ёшли бу футболчи турнирнинг гуруҳ босқичидаги барча 6 учрашувда гол урган илк футболчига айланди.

Роналду олти учрашувда 9 гол урди. У АПОЭЛга 4, «Тоттенҳэм»га 2 ва «Боруссия»га 3 гол урган.

Бундан ташқари, Роналдунинг жорий календар йилида ЕЧЛ ўйинларида урган голлари сони 19тага етди.