13:45 / 11.12.2017
29231

Qozog‘istonda Rossiya telekanallari o‘chirib qo‘yildi

Foto: Zakon.kz

"Kazaxtelekom" aksiyadorlik jamiyati 11 dekabrdan Rossiya telekanallarining retranslyatsiyasini to‘xtatdi. Bu haqda kompaniya matbuot xizmati xabarida aytiladi.

Bunday qarorga retranslyatsiya uchun huquqlar narxining oshirilganligi sabab bo‘ldi. Ro‘yxatdan "NTV-Mir", "RTR-Planeta", "Rossiya-24", "Rossiya-Kultura" telekanallari joy olgan.

"Bu telekanallar Rossiya Federatsiyasi hududida barcha aholiga keng, majburiy taqdim etiluvchi kanallar ro‘yxatiga kiradi va Rossiyada retranslyatsiya uchun pul olinmaydi. Sobiq SSSR hududidagi qator davlatlarda pulli televideniye operatorlari ham ko‘rsatilgan kanallar kontentidan foydalanish uchun xarajatlarni o‘z bo‘yniga olmaydi", - deya xabar berishgan "Kazaxtelekom" AJdan.

Kompaniyadan ma'lum qilishlaricha, muzokaralarni davom ettirish niyatidalar, biroq shartnomalar bo‘yicha avvalgi shartlarni saqlab qolishga harakat qilishadi. Aks holda bu xizmatdan foydalanayotgan abonentlar uchun narxning oshishiga olib kelishi mumkin. "Kazaxtelekom" matbuot xizmatidan ta'kidlashlaricha, Qozog‘iston tomoni abonentlik to‘lovi hajmini avvalgi darajada qoldirish imkonini beradigan muqobil variantlarni taklif qilgan. Biroq Rossiya ularni qabul qilmadi, deya xabar beradi Open Asia. 

Mavzuga oid
Top