Xitoyda davom etayotgan 23 yoshgacha futbolchilar o‘rtasidagi osiyo chempionati dastlabki yarim final uchrashuvi yakuniga yetdi. Unda Qatar U-23 terma jamoasi Vetnam U-23 terma jamoasiga qarshi bahs olib bordi.
Qiziqarli va murosasiz kechgan uchrashuvning asosiy vaqtida g‘olib aniqlanmadi. Qatardan Orif va Ali Almoyez, Vetnamdan esa Tsyuang Hay tomonidan kiritilgan ikki gol asosiy vaqt 2:2 hisobida durang bilan tugashiga sabab bo‘ldi. Ikkita 15 daqiqalik qo‘shimcha bo‘limlarda ham g‘olib aniqlanmadi va o‘yin taqdiri penaltilar seriyasida hal bo‘ldi.
Penaltilar seriyasida omad Vetnam U-23 terma jamoasiga kulib boqdi. Lotereyada 4:3 hisobida ustun kelgan Vetnam U-23 terma jamoasi chempionatning dastlabki finalchisiga aylandi.
Eslatib o‘tamiz, ikkinchi yarim final uchrashuvda O‘zbekiston U-23 terma jamoasi Janubiy Koreya U-23 terma jamoasiga qarshi maydonga tushadi. Uchrashuv Toshkent vaqti bilan 16:30da boshlanadi.
Osiyo chempionati U-23
1/2 final
Qatar U-23 - Vetnam U-23 2:2 (1:0, 1:2, 0:0)
penaltilar bo‘yicha 3:4
Gollar: Orif (39), Ali Almoyez (87) - Tsyuang Hay (69, 88).
