Qo‘shnisining boshiga ketmon bilan urib jarohat yetkazgan shaxs ushlandi

Buxoro viloyatining G‘ijduvon tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 23 yanvar kuni soat 12:00larda G‘ijduvon tumanida Nayman qishlog‘ida yashovchi, 1992 yilda tug‘ilgan F.J. shu qishloq hududida o‘zaro janjal oqibatida qo‘shnisi, 1981 yilda tug‘ilgan O.A.ning boshiga ketmon bilan urib jarohat yetkazgan.  

Natijada fuqaro O.A. kasalxonaga yotqizilgan.  F.J. qo‘lga olingan.