Surxondaryodagi avtohalokatda 4 kishi vafot etdi

20 fevral kuni soat 07.10larda Surxondaryo viloyatining Jarqo‘rg‘on tumanida 1988 yilda tug‘ilgan T.Shamatov o‘zining «Lasetti» rusumli avtomashinasida avtohalokatga uchradi.

Avtomashina O‘rikli mahallasi hududidan o‘tuvchi «Bishkek-Dushanbe-Termiz» M-41 yo‘lining 1553-km.da harakatlanib ketayotganda haydovchi boshqaruvni eplay olmay, yo‘lning chap tomonidagi ariqqa tushib ketgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi tarqatgan xabarga ko‘ra, avtomashina haydovchisi T.Shamatov jarohat olib, kasalxonaga yotqizilgan. Uning yo‘lovchilari Z.Mardonova, D.Jo‘rayev, M.Abduxayirova hamda T.Eshmirzayevalar voqea joyida halok bo‘lgan.