Toshkentda fuqaroni yarim million dollarga chuv tushirib ketishdi

2017 yil 1 dekabr kuni Toshkent shahrining Yunusobod tumanida  noma'lum shaxs Buyuk Turon ko‘chasi 31-uy oldida, 1982 yilda tug‘ilgan I.M.ga Xitoy Xalq Respublikasi va Birlashgan Arab Amirligining Dubay shahriga quritilgan mayiz mahsulotlarini eksport qilish orqali daromad olishini aytgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, u aldash yo‘li bilan ushbu fuqaroning ishonchiga kirib, undan 580 ming AQSh dollarini olib voqea joyidan yashiringan. 

Ko‘rilgan choralar natijasida ushbu jinoyatni Samarqand viloyati Urgut tumani Vag‘ashti qishlog‘ida yashovchi, 1983 yilda tug‘ilgan H.I. sodir etganligi aniqlandi.