OAV: Konor MakGregor O‘zbekistonga kelishi mumkin

Yengil vaznda UFC chempioni Konor MakGregor joriy yil iyunida O‘zbekistonga kelmoqchi. Bu haqda sports.uz xabar bermoqda.

Ma'lum qilinishicha, irlandiyalik aralash yakkakurash jangchisi may oyida oilasi bilan Germaniya va BAAga tashrif buyurmoqchi. Yozda esa Osiyoning bir nechta davlatlarida, jumladan O‘zbekistonda bo‘lishni rejalashtirgan.

UFC rahbari Dana Uayt ma'lum qilganidek, Konor chempionlik kamaridan mahrum qilindi. Endi chempionlik kamari uchun Habib Nurmagomedov va Toni Fergyuson ringga chiqishadi. Jang aprelda bo‘ladi. Agar Konor UFC’ga qaytsa, to‘g‘ridan-to‘g‘ri chempionlik jangida ishtirok etadi.

MakGregorning so‘nggi jangi amerikalik bokschi Floyd Meyvezerga qarshi kechgan. Boks qoidalari bo‘yicha o‘tgan jangda Meyvezer 10-raundda MakGregorni nokautga uchratgandi.