MIB auksionida qator avtomobillar va Toshkentdagi kafe sotuvga qo‘yildi

O‘zbekiston Respublikasi Bosh prokuraturasi huzuridagi Majburiy ijro byurosining “Elektron onlayn auksionlarni tashkil etish markazi” tomonidan navbatdagi mulklar "kim oshdi" savdosiga qo‘yildi.

Auktsionga har safar turli viloyatlardan ijro buyurtmalari joylashtirilib borilmoqda.

Bu safargi auksionga qator avtomobillar, Namangandagi turar joy, Toshkent shahri Yashnobod tumanidagi noturar joy (go‘zallik saloni), Toshkent shahri Sergeli tumanidagi kafe, Farg‘ona viloyati Toshloq tumanidagi savdo do‘koni, Namangan viloyati Norin tumanidagi avtomobillarni tuzatish ustaxonasi, Qashqadaryo viloyati Nishon tumanidagi avtomobillarni yuvish shoxobchasi va kafe binosi qo‘yilgan.