Afg‘oniston prezidenti Toshkentga keldi

Afg‘oniston prezidenti Muhammad Ashraf G‘ani O‘zbekiston prezidenti Shavkat Mirziyoyev taklifiga ko‘ra Toshkentga ishchi tashrifini amalga oshirdi.

Uni Islom Karimov nomidagi «Toshkent» xalqaro aeroportida O‘zbekiston bosh vaziri Abdulla Aripov kutib olgan.

Qisqa suhbatdan keyin Afg‘oniston delegatsiyasi o‘zi uchun ajratilgan qarorgohga yo‘l olgan.

Ikki davlat rahbarlari 27 mart kuni «Tinchlik jarayoni, xavfsizlik sohasida hamkorlik va mintaqaviy sheriklik» mavzuida Afg‘oniston bo‘yicha yuqori darajadagi xalqaro konferensiyada ishtirok etadi va so‘zga chiqadi.

Tashrif dasturida O‘zbekiston Prezidenti Shavkat Mirziyoyev va Afg‘oniston Prezidenti Muhammad Ashraf G‘ani muzokara o‘tkazishi ham ko‘zda tutilgan.