Chet ellik narkofurush qo‘lga olindi - IIV

3 aprel kuni Surxondaryo viloyatining Termiz tumanida jinoyat fosh etildi, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, O‘zbekiston Respublikasi IIV Jinoyat qidiruv bosh boshqarmasi Giyohvandlik vositalari bilan qonunga hilof ravishda muomala qilishga qarshi kurashish boshqarmasi va O‘zbekiston Respublikasi Davlat xavfsizligi xizmati Chegara qo‘shinlari xodimlari bilan hamkorlikda o‘tkazilgan operativ tadbirlar natijasida, Afg‘oniston Islom Respublikasi fuqarosi Faryob viloyati Maymana shahri Novobod qishlog‘ida yashovchi 1973 yilda tug‘ilgan Xolmuhammad G‘ulom o‘g‘li Afg‘oniston Islom Respublikasi hududidan umumiy og‘irligi 29 kg. 29 gr. bo‘lgan “opiy” giyohvandlik moddasini olib o‘tib, 7 ming 500 AQSh dollariga sotayotgan vaqtida ushlangan.