Makron fransuz tilini YeIdagi asosiy tilga aylantirmoqchi 

Fransiya prezidenti Emmanuel Makron Yevroittifoqdagi barcha hujjatlarni yuritishda fransuz tilini asosiy tilga aylantirmoqchi. Bu haqda The Wall Street Journal xabar berdi.

Nashr ma'lumotlariga ko‘ra, bunday chora Buyuk Britaniyaning Yevroittifoqdan chiqishi bo‘yicha muzokaralar fonida ishlab chiqilmoqda.

Makron 1973 yilgacha amalda bo‘lgan tartib-qoidalarga qaytishga chaqirgan, o‘shanda fransuz tili ish yurituvida asosiy til bo‘lgandi.

Eslatib o‘tamiz, avvalroq AQSh prezidenti Donald Tramp Fransiya yetakchisi Emmanuel Makron bilan yakkama yakka suhbat davomida Yevroittifoq savdo sohasida «Xitoydan ham yomon» ekanini ma'lum qilgandi.