Xitoy va Rossiyaning AQSh bilan harbiy mojarodagi ustunligi aytildi

AQSh harbiy mojaro yuz beradigan bo‘lsa, Xitoy va Rossiya radioelektron kurash usullaridan foydalanishi mumkin ekanidan xavfsiramoqda. Bu haqda RT AQSh Armiya jangovar amaliyotlari tajribasini baholash va o‘rganish bo‘yicha markazi qo‘llanmasiga asosan xabar bermoqda.

Ta'kidlanishicha, elektromagnit nurlanish vositasidan samarali foydalanuvchi harbiy mojaro tomoni o‘ziga xos ustunlikka ega bo‘ladi.

«Katta ehtimol bilan (bu prognozlar bilan ham tasdiqlanadi), Xitoy yoki Rossiyaning istalgan raqibi jang maydonida elektronmagnit nurlanishdan foydalanish kabi asosiy o‘ziga xos ustun jihat bilan to‘qnash keladi», - deyiladi qo‘llanmada.

Aniqlik kiritilishicha, AQShning pozitsiyalardan darak beruvchi global tizimlari yetarli darajada kuchli emas, shuning uchun ularni to‘sib qo‘yish mumkin.